Müdafiə Nazirliyi sosial şəbəkə istifadəçilərinə müraciət etdi

Müdafiə Nazirliyi sosial şəbəkə istifadəçilərinə müraciət edib.

Nazirlikdən Teleqraf.com-a bildirilib ki, son günlər sosial şəbəkələrdə 2020-ci ilin Vətən müharibəsi zamanı və əvvəllər keçirilmiş müxtəlif təlimlərdə qeydə alınan video və fotolar yeni görüntülər kimi paylaşılır.

Qeyd edilir ki, bununla bağlı müzakirələr ictimaiyyətdə yanlış rəyin formalaşmasına, eyni zamanda hərbi və dövlət sirlərinin yayılmasına səbəb olur: “Sosial şəbəkə istifadəçilərini bu cür təxribatlara uymamağa, həmçinin rəsmi təsdiqini tapmayan məlumatları yaymamağa çağırırıq".