Azərbaycanda akkreditasiya olunmuş qeyri-rezident səfirlər Füzuliyə gəldilər

Ankarada fəaliyyət göstərən, Azərbaycanda da akkreditə olunmuş diplomatik korpus nümayəndələrinin, hərbi attaşelərin olduğu təyyarə Füzuli Beynəlxalq Hava Limanına eniş edib.

Teleqraf.com xəbər verir ki, Qarabağ iqtisadi rayonuna daxil olan işğaldan azad edilmiş ərazilərdə (Şuşa şəhəri istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov qonaqları hava limanının işi ilə tanış edib.

Qonaqlar bu ərazilərin bərpası və yenidənqurması, minatəmizləmə və postmünaqişə dövründə urbanizasiya potensialından istifadə, habelə beynəlxalq əməkdaşlıq imkanlarına həsr olunmuş konfransda iştirak etmək üçün işğaldan azad edilmiş ərazilərə gediblər.

Konfransa sabah Şuşada start veriləcək.