Nazirliyin tabeliyində agentliklərin yaradılması may ayı üçün nəzərdə tutulub

Elm və Təhsil Nazirliyinin tabeliyində agentliklərin yaradılması may ayı üçün nəzərdə tutulub.

Teleqraf.com xəbər verir ki, bunu Elm və təhsil naziri Emin Əmrullayev bu gün keçirilən brifinqdə deyib.

Nazir qeyd edib ki, qurumun tabeliyində agentliklərin yaradılması ilə bağlı əsas iş geridə qalıb.

E.Əmrullayev əlavə edib ki, məsələnin hüquqi normativ tərəflərinə görə müvafiq əsasnamə hazırlanıb və aidiyyəti üzrə göndərilib: "Elm haqqında" və "Təhsil haqqında" qanunlara müvafiq dəyişikliklər edilməlidir".