Göyçay sakini dostunu güllələdi

Kürdəmir rayonunda silahlı insident baş verib.

Teleqraf.com xəbər verir ki, hadisə rayonun Qarabucaq kəndi ərazisində qeydə alınıb.

Göyçay rayon sakinləri - Zaur Cabbarov dostu Namiq Hacıyev ilə birlikdə Qarabucaq kəndinə ova gediblər. Ov edən zaman Namiq Hacıyevin ehtiyatsızlıqdan açdığı atəş nəticəsində Zaur Cabbarov yaralanıb.

Zaur Cabbarov xəsarətlə xəstəxanaya yerləşdirilib. Ona tibbi yardım göstərilib.

Faktla bağlı araşdırma aparılır.

Hacı Zeynalov