Bakıda 26 yaşlı oğlan öldürüldü

Bakının Suraxanı rayonunda qətl hadisəsi törədilib. Teleqraf.com xəbər verir ki, hadisə rayonun Binə qəsəbəsində qeydə alınıb.

1991-ci il təvəllüdlü Faiq İsmayilov yaşadığı həyət evində bıçaqlanaraq öldürülüb. Onun kimin tərəfindən və hansı səbəbdən öldürüldüyü məlum deyil.

Hazırda hüquq-mühafizə orqanlarının əməkdaşları hadisəni törədən şəxsin müəyyən edilərək həbs edilməsi istiqamətində əməliyyat tədbirləri görürlər.

Faktla bağlı cinayət işi başlanıb.

Hacı Zeynalov