Gəncədə iki dost 5 evi qarət etdi

Gəncə şəhərində silsiləli oğurluq hadisəsi baş verib.

Teleqraf.com xəbər verir ki, hadisə şəhərin Kəpəz rayonunda qeydə alınıb.

Rayon ərazisindəki evlərin birindən qızıl və məişət əşyaları oğurlanması barədə Kəpəz rayon Polis İdarəsinə məlumat daxil olub.

Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Gəncə şəhər sakini, əvvəllər məhkum olunmuş Sahil Musayev saxlanılıb.

Onun həmyerlisi Elnur Nuriyevlə birgə şəhər ərazisindəki daha 4 evdən pul, qızıl və məişət əşyaları oğurlaması da müəyyən edilib.

Görülmüş tədbirlər nəticəsində Elnur Nuriyev də saxlanılıb.

Faktla bağlı cinayət işi başlanılıb.