Bakıda əməliyyat: Həbs olunanlar var

Bakının Binəqədi rayonunda əməliyyat keçirilib.

Teleqraf.com xəbər verir ki, Binəqədi rayon Polis İdarəsinin 43-cü polis bölməsi əməkdaşlarının keçirdiyi əməliyyat-axtarış tədbirləri nəticəsində əvvəllər məhkum olunmuş, 1964-cü il təvəllüdlü Əbdül Eyvazov saxlanılıb.

Onun üzərində aparılan axtarış zamanı 0,910 qram heroin aşkar edilərək götürülüb.

Bundan başqa, Nərimanov rayon Polis İdarəsinin cinayət axtarış şöbəsi tərəfindən Bakı şəhər sakini, əvvəllər məhkum olunmuş, 1986-cı il təvəllüdlü Vasif Davidov saxlanılıb.

Onun üzərindən 7,163 qram marixuana aşkar edilərək götürülüb.

Hər iki fakt üzrə araşdırma aparılır.