Beyləqanda avtomobillə iki bacı vuruldu

Beyləqan rayonunda ağır yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Beyləqan şəhərində İlkin Zülfüqarov idarə etdiyi “VAZ-21063” markalı avtomobillə yolu keçən həmyerliləri İltima Məmmədovanı və onun bacısı Elzanı vurub.

İ.Məmmədova hadisə yerində ölüb, Elza xəstəxanaya yerləşdirilib.

Beyləqan rayon Polis Şöbəsi tərəfindən araşdırma aparılır.

Hacı Zeynalov