Bakıda tələbə bıçaqlandı

Bakının Xətai rayonunda bıçaqlanma hadisəsi baş verib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, hadisə dünən saat 17:30 radələrində, Rezervuar küçəsində qeydə alınıb. Bakı şəhər sakini, 1996-cı il təvəllüdlü Elmar Novruzov bıçaqlanıb. O, xəsarətlə xəstəxanaya yerləşdirilib.
Xətai rayon Polis İdarəsinin 34-cü polis bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini, 1996-cı il təvəllüdlü Şahin Əliyev tutulub.

Qeyd edək ki, Elmar Novruzovun Azərbaycan Maliyyə İqtisad Kollecinin tələbəsidir.

Faktla bağlı araşdırmalar davam etdirilir.

Hacı Zeynalov