18 Dekabr 2014 13:33
599

Rusiyada ağır cinayət törətməkdə təqsirli bilinən azərbaycanlı həbs edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Azərbaycan vətəndaşı Rauf Quliyev Rusiyada adam öldürüb və daha sonra istintaqdan yayınaraq Azərbaycana gəlib. Rusiya hüquq-mühafizə orqanlarının əməkdaşları Rauf Quliyevin barəsində axtarış elan ediblər.

Baş Cinayət-Axtarış İdarəsi əməkdaşlarının həyata keçirdikləri əməliyyat-axtarış tədbirləri nəticəsində Rauf Quliyev tutulub. O, Rusiya Federasiyası Cinayət Məcəlləsinin 105-ci maddəsi (qəsdən adam öldürmə) ilə axtarışda olub.

Hacı Zeynalov


Müəllif: