Xırdalanda restorana basqın: сinayət başında yaxalandılar

Abşeron rayonunda restorandan oğurluğa cəhd edənlər cinayət başında yaxalanıb. Bu barədə Teleqraf.com-a Daxili İşlər Nazirliyinin Baş Mühafizə İdarəsindən məlumat verilib.

Rayonun Xırdalan şəhəri, 28-ci məhəllə, H.Əliyev prospektində yerləşən “Ağ Klub” restoranın giriş qapısını sındıraraq oğurluğa cəhd olunub. Hadisə ilə bağlı Abşeron Rayon Mühafizə İdarəsinin əməkdaşları hadisə yerinə gəlib.

Şəki rayon sakinləri, 1989-cü il təvəllüdlü Məmmədov Anar Oruc oğlu, 1979-cu il təvəllüdlü Yusifov Mehman Nəbi oğlunu və Cəlilabad rayon sakini, 1980-cı il təvəllüdlü İbrahimova Xəyalə Kazım qızı saxlanılıb. Onlar Abşeron Rayon Polis İdarəsinə təhvil verliblər.

Faktla bağlı Abşeron Rayon Polis İdarəsində araşdırma aparılır.

Hacı Zeynalov