Belarusdan Ukraynaya "İskəndər" mesajı – Döyüş qüvvələri sərhədə yeridildi

Belarus ərazisindən Ukraynanın infrastrukturlarına və Müdafiə Qüvvələrinin bölmələrinə zərbələrin endirilməsi təhlükəsi qalır.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Son məlumata görə, “İskəndər-M” operativ-taktiki raket komplekslərinin bölməsi Belarusun Brest vilayətinin Luninets qəsəbəsində yerləşdirilib. Qəsəbə Ukrayna ilə sərhəddə yerləşir.

Belarus Silahlı Qüvvələrinin bölmələri Volın və Polissya ərazilərində Belarus-Ukrayna sərhədinin mühafizəsinin gücləndirilməsi üzrə tapşırıqların icrasını davam etdirir. Sərhəd boyunca yerləşdirilmiş bölmələr manevr birləşmələri ilə gücləndirilib.

Ehtiyatda olan zabitlərin Belarus ordusuna çağırılmasının davam etdiyi də bildirilib.