"Helen" qasırğası 200 can aldı

ABŞ-də "Helen" qasırğası nəticəsində ölənlərin sayı 200-ə çatıb.

Teleqraf.com xəbər verir ki, bu barədə "Associated Press" agentliyi xəbər verib.

Xilasedicilər hələ də çoxlu insan itkin düşmüş hesab edildiyindən ölənlərin sayının arta biləcəyini istisna etməyiblər.

Təbii fəlakət ilk növbədə altı ştata təsir edib: Şimali Karolina, Corciya, Cənubi Karolina, Florida, Tennessi və Virciniya.

Oktyabrın 3-ü səhər saatlarına olan məlumata görə, ABŞ-də təxminən 1 milyon insan işıqsız qalıb. Onların əksəriyyəti Cənubi və Şimali Karolina sakinləridir.