Moldova Ermənistan və Rusiya aviaşirkətlərinə qadağa qoyur

Moldovanın İnfrastruktur və Regional İnkişaf Nazirliyi bir sıra ölkələrin, o cümlədən Rusiya Federasiyasının aviaşirkətlərinin fəaliyyətinə qadağa tətbiq etməyi təklif edib.

Teleqraf.com xəbər verir ki, bu barədə RİA Novosti məlumat yayıb.

Məlumata görə, nazirlik “Moldova ərazisində fəaliyyəti qadağan olunan aviadaşıyıcıların siyahısının təsdiq edilməsi haqqında” layihəni müzakirəyə təqdim edib.

Siyahıya 20-dən çox ölkənin, o cümlədən Rusiya, Ermənistan, Qırğızıstan və digər ölkələrin daşıyıcıları daxildir. Rusiyanın “Aurora”, “Yakutiya”, “S7” , “Ural Airlines”, “Pobeda”, “Aeroflot”, “Rossiya”, “U-tair” və bir sıra digər aviaşirkətləri qadağaya məruz qala bilər.

Qanun layihəsinin ictimai müzakirəsi yanvarın 9-dək davam edəcək.