Rusiya "Oreşnik"dən istifadəyə icazə verdi

Rusiya Kiyevdəki hədəfləri vurmaq üçün “Oreşnik” ballistik raketindən və ya “İsgəndər” operativ-taktiki raket sistemlərindən istifadə edə bilər.

Teleqraf.com xəbər verir ki, bu barədə hərbi ekspert Vasili Dandıkin “Vzqlyad” qəzetinə müsahibəsində bildirib .

O, Rusiyanın Ukrayna ərazisindən raket hücumlarına davamlı cavab verdiyini vurğulayaraq, gələcək əməliyyatlarda “Oreşnik” və “İsgəndər” raketlərindən istifadənin mümkünlüyünə işarə edib.

Dandıkinin sözlərinə görə, “İsgəndər” kompleksi Ukrayna paytaxtında obyektləri effektiv şəkildə hədəfə almağa qadirdir.

“Hesab edirəm ki, yaxın gələcəkdə bəzi hadisələr baş verməlidir. Hazırda Ukraynanın hücuma hazırlaşması ilə bağlı çoxlu söz-söhbət olsa da, optimizm üçün heç bir əsas yoxdur”.