HƏMAS rəsmiləri Misirdə azad edilmiş fələstinli məhbuslarla görüşəcək

Fələstinin "HƏMAS" hərəkatının nümayəndə heyəti mübadilə çərçivəsində İsrail həbsxanalarından azad edilərək Misirə aparılan fələstinli məhbuslarla görüşəcək.

Teleqraf.com xəbər verir ki, bu barədə hərəkatın "Telegram" kanalında məlumat verilib.

“HƏMAS-ın nümayəndə heyəti rəsmi səfərlə Qahirəyə gedəcək, səfər zamanı Misir rəsmiləri, eləcə də həbsxanalardan azad edilmiş məhbuslarla görüşəcək”, - məlumatda deyilir.