1 Dekabr 2021 17:22
2 384
12 Punto 14 Punto 16 Punto 18 Punto

"Mənim Ermənistanın Avrasiya İqtisadi İttifaqına üzvlüyü ilə bağlı qərarım doğru idi”.

Teleqraf.com xəbər verir ki, bunu Ermənistanın keçmiş prezidenti, Respublika Partiyasının lideri Serj Sərkisyan bu gün deyib.

“İllər sonra əminliklə vurğulaya bilərəm ki, mənim Ermənistanın Avrasiya İqtisadi İttifaqına qoşulmaqla bağlı qərarım düzgün idi. Bu gün Ermənistan və Rusiya arasında güclü, reallaşdırılmamış əməkdaşlıq potensialı mövcuddur. Təəssüf ki, Ermənistanın indiki hökumətinin bu istiqamətdəki səyləri də qeyri-kafi, qeyri-effektiv, bəzən isə hətta əksinədir”, - deyə o bildirib.

Qeyd edək ki, Serj Sərkisyan bu sözləri “XXI əsrin qlobal çağırışları. Partiyalararası ölçü” mövzusunda keçirilən beynəlxalq partiyalararası videokonfransda “Vahid Rusiya” Partiyasının lideri, Rusiyanın keçmiş prezidenti və baş naziri Dmitri Medvedyevə müraciətlə deyib.


Müəllif: Səxavət