ABŞ-dan Zəhranın ölümü ilə bağlı – Çağırış

ABŞ iyulun 4-də Dağlıq Qarabağ münaqişəsində atəşkəs rejiminin pozulması nəticəsində bir neçə dinc sakinin, həmçinin iki yaşlı uşağın həlak olmasından dərin narahatdır.

Teleqraf.com xəbər verir ki, bu fikirləri ABŞ Dövlət Departamentinin mətbuat xidmətinin nümayəndəsi Hizer Nauer iyulun 6-də keçirilən brifinqdə deyib.

“Bu hadisə təmas xətti yaxınlığında baş verib. Biz qurbanların ailələrinə dərin hüznlə başsağlığı veririk” - deyə o qeyd edib.

Dövlət Departamentinin mətbuat xidmətinin nümayəndəsi bildirib ki, ABŞ ATƏT-in Minsk qrupunun həmsədrləri ilə birlikdə hərbi əməliyyatları dayandırmağa və tərəfləri danışıqlar masasına qayıtmağa çağırır: “Bizim bu region üzrə siyasətimiz açıq-aydındır. Münaqişə yalnız danışıqlar və beynəlxalq hüquq, həmçinin ərazi bütövlüyü prinsipi əsasında həll oluna bilər”.