Ukrayna Saakaşvilini Rusiyanın casusu çıxardı – Şok

Gürcüstanın sabiq Prezidenti, Ukraynanın Odessa vilayətinin keçmiş qubernatoru Mixail Saakaşvili mitinqlər üçün maliyyəni Rusiyadan alıb.

Teleqraf.com xarici mediaya istinadla xəbər verir ki, bu sözləri Ukraynanın Baş prokuroru Yuri Lutsenko deyib.

O bildirib ki, Rusiyadan yardım edənlər arasında Ukraynanın sabiq prezidenti Viktor Yanukoviçin adamı olan biznesmen Sergey Kurçenko da var:

“Rusiyadan Saakaşvilinin yaxın adamlarına 500 min dollar pul göndərilib. Onlar bu pulla mitinqləri maliyyələşdirmək və dövlət çevrilişinə cəhd etmək istəyiblər”.

Baş prokuror Saakaşvilinin sabah məhkəmə qarşısına çıxacağını deyib: “Hakimdən xahiş edəcəm ki, Saakaşviliyə qandallanmaq şərti ilə ev dustaqlığı cəzası verilsin”.