Mahir Emreli daha bir klubun diqqətində

"Legiya"da çıxış edən millimizin üzvü Mahir Emreli ilə Macarıstanın daha bir klubu maraqlanır.

Teleqraf.com Polşa mətbuatına istinadən xəbər verir ki, "Ferentsvaroş" 24 yaşlı hücumçunu transfer etmək istəyir. Yüksək liqa təmsilçisinin bir müddətdir ki, Emreliyə maraq göstərdiyi vurğulanıb. Stanislav Çerçesovun kluba baş məşqçi təyin olmasından sonra oyunçuya marağın daha da artdığı bildirilib.

Qeyd edək ki, daha əvvəl Macarıstanın digər klubu - "MOL Fehervar"in Mahirlə maraqlandığı barədə xəbərlər yayılmışdı.