“İnter” "Atletik"ə qarşı

Bu gün Avropa Liqasının III təsnifat mərhələsinə yekun vurulacaq.

***

"İnter" turnirdə mübarizəni dayandırıb. Belə ki, ilk oyunda səfərdə "Atletik" (Bilbao) klubuna 0:2 hesabı ilə məğlub olan paytaxt təmsilçisi Bakıdakı cavab görüşündə də ispanlara güc gələ bilməyib - 0:0.

***

Təmsilçilərimizdən “İnter” də “pley-off” uğrunda mübarizə aparacaq. Zaur Svanadzenin rəhbərlik etdiyi komanda Bakıda İspaniyanın “Atletik” klubunu qəbul edəcək.

Bilbaoda keçirilən ilk oyunda rəqibinə 0:2 hesabı ilə uduzan komandamızın mərhələ adlamağa möcüzə sayıla bilər. Maliyyə problemi səbəbindən ciddi çətinliklərlə üzləşən “İnter”in adlı-sanlı rəqibini üstələməsi inandırıcı görünmür. Bununla belə, tarixində ilk dəfə III təsnifat mərhələsində iştirak edən təmsilçimizin “Atletik”lə oyunu ölkəmizin FİFA reytinqindəki durumuna müsbət təsir edə bilər.

***

Avropa Liqası, III təsnifat mərhələsinin cavab oyunları

21:00. "İnter" (Azərbaycan) - "Atletik" (Bilbao, İspaniya)
İlk oyun-0:2
Hakimlər: Sərdar Gözübüyük, Bas van Dongen, Patrik Lanqkamp (Hollandiya)
Bakı. "İnter Arena"