Tanınmış reperin konsertində dava düşdü - AÇIQLAMA

Gecə klubunda çıxış edən tanınmış reper Ramil Nabranın konsertində dava düşüb.

Məsələ ilə bağlı Teleqraf.com-a danışan reper münaqişənin onunla əlaqəsi olmadığını deyib: “Hadisəni şişirtmək lazım deyil. Bunun indi gündəmə gəlməsini də başa düşə bilmirəm. Dava dekabrın 29-dan 30-a keçən gecə olub. Klublarda olan adi hadisələrdir. Özümə də heç nə olmayıb. Davanın dəqiq səbəbini bilmirəm, Yəqin ki, kiməsə sataşıblar”.

Dava “Legendary club"da baş verib. Ramil Nabranın çıxışı zamanı 12 nəfər naməlum şəxs içəri daxil olaraq dava salıb. Əraziyə Binəqədi Rayon Polis İdarəsinin 6-cı Polis Bölməsinin əməkdaşları gəlib.

Bu haqda ilk məlumatı “Report” yayıb.

Rəqsanə