Ərdoğan İlham Əliyevlə Zəngilanda

Türkiyə Prezidenti Rəcəb Tayyib Ərdoğan Zəngilan Beynəlxalq Hava Limanında təyyarədən enib.

Türkiyə liderini Azərbaycan Prezidenti İlham Əliyev qarşılayıb.

***

Türkiyə Prezidenti Rəcəb Tayyib Ərdoğan Zəngilana çatıb.

Teleqraf.com xəbər verir ki, Türkiyə liderini gətirən təyyarə Zəngilan Beynəlxalq Hava Limanına eniş edib.

Qeyd edək ki, Ərdoğan bu gün Zəngilan Beynəlxalq Hava Limanının aşılışında iştirak edəcək və digər tədbirlərə qatılacaq.

***

11:33

Türkiyə Prezidenti Rəcəb Tayyib Ərdoğan Azərbaycana səfərə yola düşüb.

Teleqraf.com xəbər verir ki, Türkiyə lideri bu gün Zəngilan Beynəlxalq Hava Limanının açılışında iştirak edəcək, habelə bir sıra tədbirlərə qatılacaq.

Ərdoğanı Türkiyə Böyük Millət Məclisinin sədr müavini Cəlal Adan, xarici işlər naziri Mövlud Çavuşoğlu, milli müdafiə naziri Hulusi Akar, kənd təsərrüfatı və meşəçilik naziri Vahit Kirişçi, nəqliyyat və infrastuktur naziri Adil Karaismailoğlu, Ədalət və İnkişaf Partiyası (AKP) sədrinin müavini Binəli Yıldırım , AKP sözçüsü Ömər Çəlik, Prezident Administrasiyasının Kommunikasiya İdarəsinin rəisi Fəxrəddin Altun və Prezidentin sözçüsü İbrahim Kalın müşayət edirlər.

Xatırladaq ki, Türkiyə lideri ötən ilin oktyabr ayında Füzuli Beynəlxalq Hava Limanının açılışında da iştirak etmişdi.

***

09:32

Türkiyə Prezidenti Rəcəb Tayyib Ərdoğan bu gün Azərbaycana rəsmi səfər edəcək.

Teleqraf.com xəbər verir ki, Ərdoğan səfər çərçivəsində Zəngilan Beynəlxalq Hava Limanının açılış mərasimində iştirak edəcək.

Ərdoğan, həmçinin yeni layihələrin təməlqoyma mərasimində iştirak edəcək.