10 min ev işıqsız qaldı

Finlandiyada güclü külək və qar ciddi fəsadlar törədib. Güclü yağıntı nəticəsində ölkənin enerji infrastrukturunda böyük problemlər yaşanıb. Təbii fəlakət 10 min evi elektrik enerjisiz, işıqsız qoyub.

Teleqraf.com-un “Gazeta.ru”-ya istinadən verdiyi xəbərə görə, təkcə Şimali Savo və Şimali Kareliya regionunda 8 min ev işıqsız qalıb.

Qeyd olunur ki, güclü külək və sulu qar elektrik enerjisinin verilişinin bərpası üzrə işləri çətinləşdirir.

Meteoroloqların proqnozlarına əsasən, ölkə ərazisində qeyri-sabit, küləkli hava hələ bir neçə gün davam edəcək.