Latviyada şəhidlərimizə əsgər salamı - VİDEO

Latviyanın “Dauqavpils" klubunda çıxış edən azərbaycanlı futbolçu Orxan Qurbanlı yeni komandasında ilk qolunu vurub.

Latviya kubokunun 1/4 finalında səfərdə “Metta”ya 2:0 hesabı ilə qalib gələn “Dauqavpils” yarımfinala yüksəlib.

Orxan Qurbanlı matçın 19-cu dəqiqəsində digər azərbaycanlı futbolçu Mirabdulla Abbasovun ötürməsini qola çevirib. Diqqət çəkən maraqlı məqam isə Orxanın qoldan sonra, ermənilərlə döyüşdə şəhid olan hərbçilərimizin xatirəsinə əsgər salamı verməsi olub.

Xatırladaq ki, müqavilə ilə “Neftçi”yə məxsus olan Orxan və Mirabdulla “Dauqavpils"də icarə əsasında çıxış edir.//Qol.az