Kremldən Əliyev-Paşinyan görüşü barədə açıqlama

Kreml Azərbaycan Prezidenti İlham Əliyevlə Ermənistan Baş naziri Nikol Paşinyan arasında Moskvada görüş olacağını təsdiqləyib.

Teleqraf.com xəbər verir ki, bunu Kremlin mətbuat katibi Dmitri Peskov deyib.

O bildirib ki, görüş gələn həftə keçirilə bilər:

“Gələn həftə biz Avrasiya inteqrasiyası məsələləri ilə məşğul olacağıq. Moskvada Avrasiya İqtisadi Forumu və Ali Avrasiya İqtisadi Şurasının iclası olacaq. Biz gözləyirik ki, həm Prezident İlham Əliyev, həm də Baş nazir Nikol Paşinyan Moskvada olacaq. Mümkün əlaqələr barədə sizə vaxtında məlumat verəcəyik”.//Report