"Həmkarlar"ın fəaliyyəti dayandırıla bilər - Qanun

Azərbaycanda “Həmkarlar ittifaqları haqqında” qanuna dəyişiklik edilir.

Teleqraf.com xəbər verir ki, dəyişikliklə qanunun 8-ci (Həmkarlar ittifaqları təşkilatlarının fəaliyyətinə xitam verilməsi) maddəsinə əlavə olunacaq.

Əlavəyə əsasən, hərbi vəziyyətin elan edilməsinə səbəb olmuş halların aradan qaldırılmasına və müəyyən edilmiş tədbirlərin həyata keçirilməsinə mane olan həmkarlar ittifaqları təşkilatlarının fəaliyyəti hərbi vəziyyət başa çatanadək dayandırıla bilər.