3 Sentyabr 2014 11:35
917

«Kaspi» qəzeti görkəmli şair və dramaturq Hüseyn Cavidin yaradıcılığı ilə bağlı ədibin həyatı və irsinə həsr olunan bədii, publisistik və elmi məqalə müsabiqəsi elan edir. Teleqraf.com-un məlumatına görə, müsabiqəyə yalnız yeni və xüsusi olaraq müsabiqə üçün hazırlanmış məqalələr qəbul edilir.

Məqalələr Azərbaycan dilində elektron variantda müəlliflər tərəfindən şəxsən redaksiyaya təqdim olunmalıdır. Həcm məhdudiyyəti qoyulmur.

Təqdim olunmuş əsərlər münsiflər tərəfindən dəyərləndirildikdən sonra Azərbaycan və Türk dillərində ayrıca kitab kimi nəşr olunacaqdır.

Birinci yer üçün 1500, ikinci yer üçün (iki mükafat) 1000, üçüncü yerə görə (üç mükafat) 700 manat, eyni zamanda hər biri 300 manat olmaqla 10 xüsusi mükafatın verilməsi nəzərdə tutulur.

Müsabiqənin müddəti 1 iyun – 31 oktyabr 2014-cü il tarixlərini əhatə edir. Əlavə məlumat almaq istəyənlər iş günləri redaksiyaya müraciət edə bilərlər. (Əlaqələndirici şəxs Təranə Məhərrəmova – 510-61-92).

BƏXTİYAR

QEYD: "Gündəlik Teleqraf" MMC-yə daxil olmayan media quruluşlarının istinadla, yaxud istinadsız bu linkdəki yazı, foto və videoları tam, qismən və ya dəyişdirilmiş şəkildə yaymasına icazə verilmir. Müəllif hüquqları pozulacağı halda məhkəməyə müracət edəcəyik.


Müəllif: