Fevral ayında hava necə olacaq?

Fevral ayında havanın orta aylıq temperaturunun kiçik mənfi və müsbət fərqlə iqlim normasına yaxın olacağı gözlənilir.

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Teleqraf.com-a verilən məlumata görə, aylıq yağıntının miqdarının iqlim normasına yaxın, bəzi yerlərdə isə iqlim normasından bir qədər çox olacağı ehtimalı var.

Bakıda və Abşeron yarımadasında orta aylıq temperatur 2-4 dərəcə isti gözlənilir ki, bu da iqlim normasına yaxındır.

Gecələr 2-6 dərəcə isti, bəzi günlərdə 0-5 dərəcə şaxta olacağı ehtimalı var. Gündüzlər 7-12 dərəcə isti, bəzi günlərdə 2 dərəcə şaxtadan 3 dərəcəyədək isti, ayın ikinci yarısının bəzi günlərində 15-18 dərəcə isti gözlənilir. Yağıntı aylıq yağıntının miqdarının iqlim normasına yaxın (norma 21-24 mm) olacağı gözlənilir.

Naxçıvan Muxtar Respublikasında temperaturun orta aylıq 0-5° şaxta gözlənilir ki, bu da iqlim normasına yaxın və bir qədər aşağıdır. Gecələr 3-8° şaxta, bəzi günlərdə 15-20° şaxta təşkil edəcək. Gündüzlər 9-14° isti, bəzi günlərdə 3° şaxtadan 2°-dək isti,
ayın ikinci yarısının bəzi günlərində 16-18° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 11-29 mm) olacağı gözlənilir.

Yuxarı Qarabağ: Xankəndi, Şuşa, Xoçalı həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında orta aylıq temperaturun 3° şaxtadan 2°-dək isti gözlənilir ki, bu da iqlim normasına yaxındır. Gecələr 0-5° şaxta, bəzi günlərdə 10-15° şaxta təşkil edəcək. Gündüzlər 7-12° isti, bəzi günlərdə 0-5° şaxta, ayın ikinci yarısının ayrı-ayrı günlərində 13-16° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 25-35 mm) olacağı gözlənilir.

Qazax-Gəncə, Goranboy, Tər-Tər, Ağdam, Füzuli, Cəbrayıl rayonlarında orta aylıq temperaturun 2-4° isti gözlənilir ki, bu da iqlim normasına yaxındır. Gecələr 0-5° isti, bəzi günlərdə 3-6° şaxta təşkil edəcək. Gündüzlər 7-12° isti, bəzi günlərdə 3° şaxtadan 2°-dək isti, ayın ikinci yarısının bəzi günlərində 15-17° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 15-36 mm) olacağı gözlənilir.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən,
Şabran, Xızı, Quba, Xaçmaz, Qusar rayonlarında orta aylıq temperaturun
Orta aylıq 1° şaxtadan 3°-dək isti gözlənilir ki, bu da iqlim normasına yaxındır. Gecələr 2-7° şaxta, bəzi günlərdə 0-5° isti təşkil edəcək. Gündüzlər 6-11° isti, bəzi günlərdə 2° şaxtadan 3°-dək isti, ayın ikinci yarısının ayrı-ayrı günlərində 14-17° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 24-55 mm) olacağı gözlənilir.

Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperaturun 3-5° isti gözlənilir ki, bu da iqlim normasına yaxındır. Gecələr 2-7° isti, bəzi günlərdə 3° şaxtadan 2°-dək isti təşkil edəcək. Gündüzlər 9-14° isti, bəzi günlərdə 0-5° isti, ayın ikinci yarısının ayrı-ayrı günlərində 16-19° isti gözlənilir. Yağıntı aylıq yağıntının miqdarının iqlim normasın yaxın (norma 21-35 mm) olacağı gözlənilir.

Masallı, Yardımlı, Lerik, Lənkəran, Astara rayonlarında temperaturun orta aylıq 2-5° isti gözlənilir ki, bu da iqlim normasına yaxındır. Gecələr 2-7° isti, bəzi günlərdə 1-3° şaxta, dağlarda 7-12° şaxta təşkil edəcək. Gündüzlər 8-13° isti, bəzi günlərdə 0-3° isti, ayın ikinci yarısının ayrı-ayrı günlərində 16-19° isti gözlənilir. Yağıntı aylıq yağıntının miqdarının iqlim normasına yaxın, bəzi yerlərdə isə bir qədər çox (norma 44-105 mm) olacağı gözlənilir.