Gəncədə ev yandı - Ölən var

Gəncə şəhərində fərdi evlərdən birində yanğın olub.

Teleqraf.com-un yerli bürosunun xəbərinə görə, hadisə "Natavan 2" qəsəbəsində qeydə alınıb.

Əraziyə Fövqəladə Hallar Nazirliyinin Dövlət Yanğından Mühafizə Xidmətinin iki yanğınsöndürən avtomobili və 20-yə yaxın canlı qüvvəsi cəlb olunub.

Hadisə nəticəsində 1947-ci il təvəllüdlü Tatyana Vasiliyevna həyatını itirib. O, həmin evdə kirayədə qalırmış və tək yaşayırmış.

Faktla bağlı araşdırma aparılır.