Zurabişvili keçmiş hərbçiləri iqamətgahına topladı

Gürcüstan prezidenti Salome Zurabişvili müharibə veteranları və təhlükəsizlik üzrə mütəxəssislərlə görüş keçirir.

Teleqraf.com xəbər verir ki, dövlət başçısının Orbeliani sarayında təşkil olunmuş görüşün əsas müzakirə mövzusu ölkədəki hazırkı siyasi vəziyyətdir.

Veteranların bəziləri görüşdən öncə bildirib ki, hazırda ən əsas məsələ hökumətə effektiv təsir göstərməkdir. Onların sözlərinə görə, yaranmış vəziyyətdən yeganə çıxış yolu yeni seçkilərdir.

Keçmiş hərbçilər ictimai forumun yaradılması ilə bağlı konkret planlarının olduğunu qeyd ediblər.