Sumqayıtda dəhşətli qəza - Bir ailənin faciəsi

Xeberle.com xəbər verir ki, ötən gecə Bakı-Quba yolunun Sumqayıtın Yaşma yaşayış massivindən keçən hissəsində faciəvi yol-nəqliyyat hadisəsi baş verib.

Belə ki, Sumqayıt şəhər 9-cu mikrorayon sakini Elşən Əliyevin idarə etdiyi "Hyunday Elantra” markalı avtomobillə "Mersedes” markalı avtomobil toqquşub. Qəza nəticəsində E.Əliyevin həyat yoldaşı Aysel Əliyeva hadisə yerindəcə dünyasını dəyişib.

E.Əliyev isə Sumqayıt şəhər Təcili Tibbi Yardım Xəstəxanasına yerləşdirilib. Amma həkimlərin səylərinə baxmayaraq onun həyatını xilas etmək mümkün olmayıb.

Ailənin iki azyaşlı övladı var.

Faktla bağlı araşdırma aparılır.