61 yaşlı sürücü sükan arxasında infarkt keçirdi

Bakının Yasamal rayonunda yol-nəqliyyat hadisəsi baş verib.

Teleqraf.com xəbər verir ki, hadisə rayonun Mətbuat prospektində qeydə alınıb.

Bakı şəhər sakini 61 yaşlı Fərman Məhərrəmov “KİA” markalı avtomobili idarə edərkən infarkt keçirdiyindən onu qarşıda gedən Anar Allahverdiyevin idarə etdiyi “Volskwagen” markalı avtomobilə vurub.

Daha sonra “KİA” markalı avtomobil səkidə dayanan paytaxt sakini Fariz Abbasovu vurub. Xəstəxanaya yerləşdirilmiş Fariz Abbasov orada ölüb.

Faktla bağlı araşdırma aparılır.

Hacı Zeynalov