Bakıda infarkt keçirən sürücü ağır qəza törətdi

Bakının Nərimanov rayonunda yol-nəqliyyat hadisəsi baş verib.

Teleqraf.com xəbər verir ki, hadisə Ziya Bünyadov prospektində qeydə alınıb.

Bakı sakini Qurbanəli Babayev idarə etdiyi “Mercedes” markalı avtomobili qarşıda gedən paytaxt sakini Fəxri Həsənovun idarə etdiyi “KİA” markalı avtomobilə vurub.

Nəticədə Qurbanəli Babayev hadisə yerində ölüb. Məlumata görə, o, qəza törədən zaman infarkt keçirib.

Faktla bağlı Nərimanov rayon Polis İdarəsi tərəfindən araşdırma aparılır.

Hacı Zeynalov