Gədəbəydə 34 yaşlı kişi bıçaqlandı

Gədəbəy rayonunda bıçaqlanma hadisəsi baş verib. Teleqraf.com xəbər verir ki, hadisə rayonun İnəkboğan kəndində qeydə alınıb.

Kənd sakini, 1983-cü il təvəllüdlü Cavid Cəfərov naməlum şəraitdə bıçaqlanıb.

O bıçaq xəsarəti ilə xəstəxanaya gətirilib. Vaxtında tibbi yardım göstərildiyi üçün onun həyatını xilas etmək mümkün olub.

Hadisənin kimin tərəfindən və hansı səbəbdən törədildiyi məlum deyil.

Cinayəti tprədən şəxs və ya şəxslərin müəyyən edilərək həbs edilməsi istiqamətində əməliyyat tədbirləri görülür.

Faktla bağlı Gədəbəy rayon polis şöbəsində araşdırma aparılır.

Hacı Zeynalov