Qaradağda 41 yaşlı kişi bıçaqlandı

Bakının Qaradağ rayonunda bıçaqlanma hadisəsi baş verib. Teleqraf.com xəbər verir ki, hadisə rayonun Lökbatan qəsəbəsində kafelərin birində qeydə alınıb.

Kafedə yeyib-içən Elxan Ağayev tanımadığı şəxslə mübahisə edib. Mübahisə zamanı həmin şəxs 41 yaşlı Elxan Ağayevi bıçaqlayıb.

Elxan Ağayev 1 saylı Kliniki Tibbi Mərkəzə yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub.

Hadisəni törədən şəxsin müəyyən edilərək həbs edilməsi istiqamətində Qaradağ rayon Polis İdarəsinin 10-cu polis bölməsinin əməkdaşları tərəfindən əməliyyat tədbirləri görülür.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov