Masallıda “zek” pul borcu üstündə həmyerlisini bıçaqladı

Masallı rayonunda bıçaqlanma hadisəsi baş verib.

Teleqraf.com-un xəbərinə görə, rayon sakini Emil Soltanov bıçaqlanıb.

Vaxtında tibbi yardım göstərildiyi üçün onun həyatını xilas etmək mümkün olub. Emil Soltanovun vəziyyətinin orta-ağır olduğu bildirilir.

Masallı rayon polis şöbəsi əməkdaşlarının əməliyyat tədbirləri ilə hadisəni münaqişə zəminində törətməkdə şübhəli bilinən Zamin Şəbiyev tutulub.

Zamin Şəbiyevin əvvəllər məhkum olunduğu bildirilir. Hadisə pul borcu üstündə baş verib. Faktla bağlı cinayət işi başlanıb.

Hacı Zeynalov