Bakıda 43 yaşlı kişi bıçaqlandı

Bakının Nərimanov rayonu ərazisində bıçaqlanma olub.

Teleqraf.com xəbər verir ki, Bakı şəhər sakini, 43 yaşlı Vahid Babayev kəsilmiş-deşilmiş xəsarətlərlə xəstəxanaya yerləşdirilib.

Ona tibbi yardım göstərilib, vəziyyəti ağır olan yaralını dindirmək mümkün olmayıb.

Polis əməkdaşlarının keçirdiyi tədbirləri nəticəsində cinayəti törətməkdə şübhəli bilinən Ağdam rayon sakini Ramil Quliyev tutulub.

İstintaq araşdırması zamanı Ramil Quliyevin əvvəllər məhkum olunduğu məlum olub.