Əfqan Muxtarlıya hökm oxundu - Yeniləndi

Jurnalist Əfqan Muxtarlı barəsində olan cinayət işi üzrə məhkəmə prosesi keçirilib.

Teleqraf.com xəbər verir ki, bu gün Balakən rayon Məhkəməsində Hümbət Səlimovun sədrliyi ilə baş tutan prosesdə prokuror çıxış edib.

O, Əfqan Muxtarlının 8 il müddətinə azadlıqdan məhrum edilməsini istəyib.

Günün ikinci yarısında hökmün elan ediləcəyi gözlənilir.

İttihama görə, Əfqan Muxtarlı bu il mayın 29-da saat 22.40-da Balakən rayonu ərazisində Azərbaycan dövlət sərhədini qanunsuz keçdikdən sonra Dövlət Sərhəd Xidmətinin əməkdaşları tərəfindən saxlanılıb.

Ona qarşı Cinayət Məcəlləsinin 318-ci (Dövlət sərhədini qanunsuzkeçmə), 206-cı (Qaçaqmalçılıq) və 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri üzrə ittiham irəli sürülüb.

***

Balakən rayon Məhkəməsində jurnalist Əfqan Muxtarlının barəsində hökm elan edilib.

Teleqraf.com xəbər verir ki, Əfqan Muxtarlı 6 il müddətinə azadlıqdan məhrum edilib.