İnək oğrusu yaxalandı

Ağdam rayonunda oğurluq hadisəsi baş verib.

Teleqraf.com xəbər verir ki, Ağdam rayon Sarıcalı kənd sakini Ramil Zülfəliyev Daxili İşlər Nazirliyinin “102” zəng mərkəzinə müraciət edib.

O, müraciətində otlaq sahəsindən 6 baş inəyinin oğurlandığı barədə məlumat verib.

Məlumatla əlaqədar Ağdam rayon polis şöbəsinin əməkdaşları tərəfindən əməliyyat qrupu yaradılıb.

Həyata keçirilən əməliyyat-axtarış tədbirləri ilə oğurluğu törətməkdə şübhəli bilinən şəxs saxlanılıb.

Araşdırmalarla onun Ağdam rayon Quzanlı kənd sakini, əvvəllər məhkumluğu olan Rafiq Xəlilov olduğu müəyyən edilib.

Faktla bağlı cinayət işi başlanıb.