16 Aprel 2018 16:40
788
12 Punto 14 Punto 16 Punto 18 Punto

Bakının Yasamal rayonunda oğurluq olub.

Teleqraf.com xəbər verir ki, Yasamal rayon Polis İdarəsinin 29-cu polis şöbəsinə müraciət edən Bakı şəhər sakini rayonun A.Salamzadə küçəsində “Toyota” markalı avtomobilinin şüşəsinin sındırıldığını, 500 manat dəyərində qızıl boyunbağısının oğurlandığını bildirib.

Əməliyyat-axtarış tədbirləri ilə oğurluğu törətməkdə şübhəli bilinən şəxs saxlanılıb. Araşdırmalarla onun Bakı şəhər sakini Rüstəm Rüstəmov olduğu müəyyən edilib.

Onun ötən il dekabrın 29-da və cari il aprelin 7-də eyni üsulla rayon ərazisində “Porche” markalı avtomobildən 20.000 ABŞ dolları, “Hyundai” markalı avtomobildən isə 670 manat və 2 ədəd eynək oğurladığı da müəyyən edilib.


Müəllif: Hacı Zeynalov