Mərasim evindən samovar oğurlandı: 10 evin qarəti – Rəsmi

Bakının Qaradağ rayonunda oğurluq baş verib.

Teleqraf.com xəbər verir ki, rayon ərazisindəki MTK-lardan birinin həyətindən 25 metr elektrik naqili, 10 evdən pul, qızıl əşyalar, təmir-tikinti alətləri, inşaat materialları və 600 metr elektrik naqili, habelə telefon qovşağına məxsus dirəklərarası 175 metr optik kabel, 175 metr elektrik naqili, mərasim evlərinin birindən samovar, bir qarajdan məişət əşyaları, bir sexdən təmir-tikinti alətləri oğurlanıb.

10-cu polis bölməsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Lökbatan qəsəbə sakinləri Asim Əkbərov və Elşad Əhmədov saxlanılıblar.

Bundan başqa, Nəsimi rayon Polis İdarəsinin 21-ci polis bölməsinin əməkdaşları tərəfindən rayon ərazisindəki mənzillərdən birinin girişindən su sayğacı oğurlamaqda şübhəli bilinən Bakı şəhər sakini, əvvəllər məhkum olunmuş Sergey Nasinnikov saxlanılıb.

Hər iki faktla bağlı cinayət işi başlanıb.