Bakıda ölümlə nəticələnən yol qəzası

Bakının Xəzər rayonunda piyadanın ölümü ilə nəticələnən yol nəqliyyat hadisəsi baş verib.

Bu barədə Teleqraf.com-a Xəzər rayon Polis İdarəsindən məlumat verilib.

Məlumata görə, hadisə rayonun Buzovna qəsəbəsində qeydə alınıb. Salyan rayon sakini Elsevər Dadaşov idarə etdiyi “Daewoo” markalı avtomobillə yolu keçən Bakı şəhər sakini Yelena Şadniyevanı vurub.

Piyada hadisə yerində ölüb.

Faktla bağlı araşdırma aparılır.

Hacı Zeynalov