AXCP sədrinin müşavirinə hökm oxundu

Azərbaycan Xalq Cəbhəsi Partiyası (AXCP) sədrinin müşaviri Məmməd İbrahimin cinayət işi üzrə məhkəmə prosesi keçirilib.

Teleqraf.com xəbər verir ki, bu gün Suraxanı rayon Məhkəməsində hakim Ceyhun Qədimovun sədrliyi ilə baş tutan prosesdə hökm oxunub.

Məmməd İbrahim 5 ay 20 gün müddətinə azadlıqdan məhrum edilib.

Məmməd İbrahim 2014-cü ildə AXCP-dən ayrılmış Mikayıl Quliyevin şikayət ərizəsi əsasında başlanmış cinayət işi üzrə 2015-ci il sentyabrın 30-da həbs olunub.

Nərimanov rayon Məhkəməsinin hökmü ilə Məmməd İbrahim 3 il müddətinə azadlıqdan məhrum edilib.

Məmməd İbrahimin barəsində bu il yenidən cinayət işi başlanıb. Ona Cinayət Məcəlləsinin 317-2.1-ci (cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi) maddəsi ilə ittiham elan edilib.