Bakı polisi 2 rayonda əməliyyat keçirdi: Həbs olunanlar var

Bakıda polis əməkdaşları iki rayonda baş verən oğurluq faktlarının üstünün açılması üçün əməliyyat keçirilib.

Teleqraf.com xəbər verir ki, Nəsimi rayon Polis İdarəsinin 22-ci polis şöbəsi və Binəqədi rayon Polis İdarəsinin 5-ci polis bölməsi əməkdaşlarının birgə keçirdikləri əməliyyat-axtarış tədbirləri nəticəsində Nəsimi rayonu ərazisində 2 mağazadan ümumilikdə 6650 manat dəyərində 14 ədəd mobil telefon oğurlamaqda şübhəli bilinən Gəncə şəhər sakini R.Qasımov saxlanılıb, digər 1 nəfərin isə şəxsiyyəti müəyyən edilib.

Bundan başqa, oğurluq etdiyinə görə tutulmuş R.Əliyevin ətrafında Xəzər rayon Polis İdarəsinin 1-ci polis şöbəsində araşdırma aparılıb.

Polis əməkdaşları tərəfindən aparılmış əməliyyat tədbirləri ilə onun rayon ərazisində 1 həyətyanı sahədən 3000 manat dəyərində məişət əşyaları və bağ evlərinin birinin zirzəmisindən 1480 manat dəyərində kombi aparatı və su mühərriki oğurlaması müəyyən edilib.

Hər iki faktla bağlı cinayət işi başlanıb.