10 İyun 2022 14:53
725
12 Punto 14 Punto 16 Punto 18 Punto

Bakı Ağır Cinayətlər Məhkəməsində İmişli rayonunun sabiq icra başçısı Vilyam Hacıyevin cinayət işi üzrə məhkəmə prosesi davam etdirilib.

Teleqraf.com xəbər verir ki, hakim Azər Paşayevin sədrliyi ilə keçirilən prosesdə sənədlərin tədqiqi davam etdirilib.

Vəkil bildirib ki, cinayət işi üzrə tərtib edilən aktlarda dəymiş ziyan təqribi yazılıb.

"Ona görə də məhkəməyə maliyyə mütəxəssisi gəlməlidir ki, yazılan rəqəmlərə aydınlıq gətirsin. Bu məsələdə Vilyam Hacıyevin həyatı həll olunur. Təqribi rəqəmlərlə ittiham vermək olmaz. Aktı tərtib edən mütəxəssis gəlməli, yoxlamada aşkarlanan çatışmazlıqların hardan əldə edildiyini izah etməlidir. Mütəxəssis nöqsanları dəqiq izah eləməlidir. Mənimsənilən məbləğ nədirsə, o rəqəmi əsaslandırsın",- vəkil bildirib.

Yoxlama zamanı qeyd edilib ki, Vilyam Hacıyevin rəhbərliyi dövründə külli miqdarda vəsait rayon ərazisindəki təhsil və məktəbəqədər müəssisələrdə xərclənmək adı ilə silinib.

Vəkil qeyd edib ki, rəqəmlər arasında çox böyük fərq var: " Məsələn, aktda İmişli rayon İcra Hakimiyyətinin inzibati binasına ayrılmış vəsait 5 milyon 685 min 699 manat, 4 milyon 493 min manat, yaxud 898 min manat göstərilib. Biz ittihamda bu rəqəmlərin hansını əsas götürək. Ekspertin rəyi dəqiq olmalıdır. Sizin obyektivliyinizə qətiyyən şübhəmiz yoxdur. Amma rəqəmlərin dəqiq əsaslandırılması üçün mütəxəssis prosesə gəlməlidir. Mütəxəssis mühasibatlıq aparmayıbsa, hesablama hansı üsulla həyata keçirilib?"

Hakim bildirib ki, növbəti prosesdə İmişli rayon ərazisində aparılan tikinti işlərinə ayrılan və xərclənmiş vəsaitlərlə bağlı akt tədqiq ediləcək.

İş üzrə növbəti məhkəmə prosesi iyunun 13-nə təyin edilib.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur.

Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.

İstintaq orqanı tərəfindən toplanmış materiallarla sabiq icra başçısı barəsində Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə yekun ittiham elan olunub.


Müəllif: Teleqraf.com