İtkin düşən 78 yaşlı kişi tapıldı

Bakının Nəsimi rayonunda itkin düşən 78 yaşlı kişi tapılıb.

Bu barədə Teleqraf.com-a Bakı şəhər baş Polis İdarəsindən məlumat verilib.

Məlumata görə, rayonun A. Məhərrəmov küçəsində yaşayan 1936-cı il təvəllüdlü Adil Cabbarov evdən çıxıb və bir daha geri qayıtmayıb. Noyabrın 7-də onun yoxa çıxdığını görən ailə üzvləri Nəsimi rayon Polis İdarəsinin 19-cu polis bölməsinə məlumat veriblər.

Adil Cabbarov 19-cu polis bölməsində itkin düşən şəxs kimi qeydiyyata alınıb və onun tapılması üçün polis əməkdaşları tərəfindən əməliyyat həyat keçirilib. Keçirilən əməliyyat nəticəsində Adil Cabbarov tapılaraq evinə qaytarılıb.

Hacı Zeynalov