Qaradağda qətl - 35 yaşlı kişi öldürüldü

Avqustun 4-də Qaradağ rayonu Qobu qəsəbəsində 1989-cu il təvəllüdlü Bəhruz Məmmədovun qətlə yetirilməsi ilə bağlı rayon prokurorluğuna məlumat daxil olub.

Teleqraf.com-a verilən məlumata görə, araşdırmalar nəticəsində, 1990-cı il təvəllüdlü Nahid Həsənovun şəxsi münasibətlər zəminində yaranmış mübahisə nəticəsində qonşusu Bəhruz Məmmədova kəsici-deşici alətlə xəsarət yetirərək onu qəsdən öldürməsinə dair əsaslı şübhələr müəyyən edilib. Hadisə yerində toplanmış dəlillər və şahid ifadələri cinayətin qəsdən törədildiyini göstərir.

Faktla bağlı Qaradağ rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb və istintaq davam etdirilir. Nahid Həsənov iş üzrə şübhəli şəxs qismində tutulub və onun barəsində hüquqi qiymət verilməsi üçün proseslər aparılır. Hadisənin digər təfərrüatları və motivləri də araşdırılır. Prokurorluq cinayətin tam şəkildə araşdırılması və ədalət mühakiməsinin təmin edilməsi üçün zəruri addımları atır.