Bakıda oğul atasının 8 min manatını oğurladı

Bakının Xətai rayonunda oğurluq hadisəsi baş verib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, aprelin 28-də saat 12-13 radələrində İqbal Həmidovun Zığ yolu küçəsində yerləşən evindən, açar seçmə yolu ilə 8000 manat oğurlanıb.

Xətai rayon Polis İdarəsi Cinayət-Axtarış Şöbəsi və 36-cı Polis Bölməsi əməkdaşlarının keçirdiyi əməliyyat-axtarış tədbirləri nəticəsində, oğurluğu törətməkdə şübhəli bilinən, həmin ünvanda yaşayan oğlu - 1991-ci il təvəllüdlü Vüsal İqbal oğlu Həmidov saxlanılıb.

Faktla bağlı araşdırmalar davam edir.

Hacı Zeynalov