Daşkəsəndə oğurluq edən iki dost yaxalandı

Daşkəsən rayonunda oğurluq hadisəsi baş verib.

Teleqraf.com xəbər verir ki, oğurluq hadisəsi rayonun Yuxarı Daşkəsən qəsəbəsində qeydə alınıb.

Qəsəbə sakini Aqil Cabbarova məxsus “VAZ-2106” markalı avtomobildən 100 manat, qızıl əşyalar və sənəd oğurlanıb.

Daşkəsən Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən rayon sakini Elvin Məmmədov və Bakı şəhər sakini İsmayıl Əhmədov tutulublar.

Məlumata görə, Elvin Məmmədov və İsmayıl Əhmədov dost olublar. Onlar Bakı şəhərində fərdi əməklə məşğul olan zaman tanış olublar. İsmayıl oğurluq hadisəsi baş verməmişdən bir gün əvvəl Elvin Məmmədovun evində qonaq olub. Həmin vaxt da dostlar oğurluq hadisəsini törətməyi planlaşdırıblar.

Faktla bağlı cinayət işi başlayıb.

Hacı Zeynalov